საჯარო
ჩართულობა

ღონისძიება ესწრებოდა 80-ზე მეტი მონაწილე, რომლებმაც იმსჯელეს საქართველოში არსებული ბუნდოვანი პოლიტიკური მომავლის და ზოგადად ამ პროცესების რეგიონალური მნიშვნელობის შესახებ. ხაზგასმით აღინიშნა, რომ საქართველოში დემოკრატიის დასაცავად, აუცილებელია მიმდინარე პროცესებში საერთაშორისო ჩართულობის გაზრდა საკუთარ გამოსვლაში, დავით დონდუამ ხაზი გაუსვა საქართველოს ძლიერ ევროპულ იდენტობასა და ევროკავშირისა და ნატოში ინტეგრაციის გზაზე არსებულ გამოწვევებს. მან აღნიშნა, რომ სამ ათწლეულზე მეტია, საქართველოს მოსახლეობაში ევროპული ინტეგრაციის მიმართ მხარდაჭერა 75-85%-ის ფარგლებში მერყეობს. თუმცა, მიუხედავად ქვეყნის მიერ ევროპული ინტეგრაციის კუთხით მიღწეული პროგრესისა, რუსულმა დეზინფორმაციამ მოახერხა და ეფექტურად გამოიყენა საქართველოს პროევროპული განწყობის ემოციური და არა ინფორმირებული ბუნება, რამაც საზოგადოება მანიპულაციისადმი დაუცველი გახადა. 2024 წლის საპარლამენტო არჩევნებთან დაკავშირებით, დ. დონდუამ აღნიშნა, რომ შიშზე დაფუძნებულმა ნარატივებმა, არჩევნების მანიპულირებამ და ოპოზიციის უუნარობამ განაპირობა მმართველი პარტიის გამარჯვება – მაგრამ ეს არ ნიშნავს ქვეყანაში პრო-ევროპული განწყობების კლებას, ის უფრო მიუთითებს ალტერნატივის ნაკლებობაზე და ხელისუფლების მხრიდან ამომრჩევლებზე ზეწოლის ეფექტიან სტრატეგიაზე. მიუხედავად ამ წარუმატებლობისა, დ. დონდუა მიიჩნევს, რომ საქართველო არ არის დაკარგული და ევროკავშირში გაწევრიანების ფანჯარა რჩება ღია, თუმცა, საჭიროა გადამწყვეტი მოქმედება. ამ კუთხით, ევროკავშირის ცნობიერების ცენტრი, რჩება ევროპულ დემოკრატიულ ოჯახში, საქართველოს ღირსეული ადგილის დამკვირდების აქტიურ მებრძოლად. ევროკავშირის ცნობიერების ცენტრი მადლობას უხდის ცენტრალური ევროპის უნივერსიტეტის პოლიტიკურ მეცნიერებათა ფაკულტეტს ამ ღონისძიების ორგანიზებისთვის და აგრძელებს აქტიურ საქმიანობას საქართველოსა და ევროკავშირის ასპირანტ ქვეყნებში ცოდნის გაზიარების, ევროპული ღირებულებების მხარდაჭერის, ასევე ავტორიტარიზმის წინააღმდეგ ბრძოლის კუთხით.