ევროკავშირის ცნობიერების ცენტრი ღონისძიებაზე „Hic sunt leones: ევროპის სტრატეგიული რისკები და უსაფრთხოების გამოწვევები“
ევროკავშირის ცნობიერების ცენტრის აღმასრულებელი დირექტორი, დოქტორი გიორგი რობაქიძე, დაესწრო ვილფრიდ მარტენსის სახელობის ევროპული კვლევების ცენტრის მიერ ორგანიზებულ ღონისძიებას — „Hic sunt leones: ევროპის სტრატეგიული რისკები და უსაფრთხოების გამოწვევები“.
ღონისძიებამ “European View”-ის უახლესი ნომრის ავტორებს მოუყარა თავი ევროპის ცვალებადი სტრატეგიული გარემოს განსახილველად. დისკუსიის ფარგლებში ყურადღება გამახვილდა ხმელთაშუა ზღვის რეგიონის მზარდ გეოპოლიტიკურ მნიშვნელობაზე, ევროკავშირის აღმოსავლეთ სამეზობლოს სტაბილურობის უზრუნველყოფაში გაფართოებისა და ინტეგრაციის როლზე, ასევე იმ ფართომასშტაბიან გლობალურ პროცესებზე, რომლებიც ევროკავშირის მომავალს განსაზღვრავს.
დისკუსიამ ცხადყო, რომ ძალისმიერი პოლიტიკა კვლავ იკავებს მნიშვნელოვან ადგილს საერთაშორისო ურთიერთობებში და ევროკავშირს სულ უფრო მზარდი გამოწვევების გამკლავება უწევს უსაფრთხოების, კეთილდღეობისა და გლობალური გავლენის თვალსაზრისით.
ღონისძიება მნიშვნელოვანი შესაძლებლობა იყო ევროპის სტრატეგიული გარემოს შესახებ არსებული თანამედროვე ხედვებისა და ანალიზის გასაცნობად. განხილული საკითხები ასევე პირდაპირ უკავშირდება ევროკავშირის ცნობიერების ცენტრის საქმიანობის ერთ-ერთ ძირითად მიმართულებას — უსაფრთხოებისა და გაფართოების პოლიტიკას.