იდეიდან საქმემდე — წლის მიმოხილვა
2025 წლის თებერვალში თანამოაზრეების პატარა ჯგუფმა დავაფუძნეთ ევროკავშირის ცნობიერების ცენტრი, იმ იმედით, რომ ამ საქმით ჩვენს მოკრძალებულ წვლილს შევიტანდით დემოკრატიის მდგრადობის განმტკიცებასა და დეზინფორმაციასთან ბრძოლაში. თავიდანვე განვსაზღვრეთ, რომ ჩვენი სამიზნე, საქართველოს გარდა, აღმოსავლეთი ევროპის ის ქვეყნებიც იქნებოდნენ, რომლებიც ევროკავშირში გაწევრებას ლამობენ.
სულ რაღაც არასრულ ერთ წელიწადში, მოვახერხეთ იდეიდან ქმედით ანალიტიკურ და სამოქალაქო პლატფორმად ჩამოყალიბება. დღეს, ცენტრში უკვე 13 მკვლევარია, დიპლომატიასა და აკადემიურ სფეროში მრავალწლიანი გამოცდილებით. აგრეთვე, ცენტრს მზრუნველობას უწევს საერთაშორისო მრჩეველთა საბჭო, რომელიც რჩევებითა და რეკომენდაციებით ეხმარება განვითარებაში.
ამასთან, გვინდა იცოდეთ, რომ ამ ერთი წლის განმავლობაში, ყველაფერი რაც მოვიმოქმედეთ, არა ინსტიტუციური სიძლიერის, არამედ ჩვენი წევრების ენთუზიაზმის შედეგია. მაგრამ იმისთვის, რომ ცენტრი განვავითაროთ და დასახული გეგმები საქმედ ვაქციოთ, აუცილებელია სათანადო დაფინანსება.
დავით დონდუა
დირექტორთა საბჭოს თავმჯდომარე