ევროპა, სადაც დემოკრატიული ღირებულებები, კანონის უზენაესობა და ადამიანის უფლებები საყოველთაოდ არის დაცული და სადაც თითოეულ ერს, რომელიც ევროპულ ოჯახში გაწევრიანებისკენ ისწრაფვის, ამისთვის აუცილებელი ცოდნა, მხარდაჭერა და შესაბამისი პოლიტიკური პირობები აქვს.
დემოკრატიული მდგრადობის გაძლიერება და ევროპული ინტეგრაციის ხელშეწყობა საფუძვლიანი და დამოუკიდებელი კვლევების წარმოებით; დეზინფორმაციასთან ბრძოლა მტკიცებულებებზე დაფუძნებული ანალიზის მეშვეობით; ასევე, პოლიტიკის განმსაზღვრელი პირების, სამოქალაქო საზოგადოების წარმომადგენლებისა და საზოგადოების ფართო წრეების დაკავშირება იმ ცოდნასა და ექსპერტიზასთან, რომლებიც ინფორმირებული გადაწყვეტილებების მისაღებად არის აუცილებელი.
აღმოსავლეთ ევროპის საზოგადოებების წინააღმდეგ მიმართული დეზინფორმაციული კამპანიების გამოვლენა, ანალიზი და მათზე არგუმენტირებული პასუხის გაცემა, განსაკუთრებული აქცენტით კრემლის მიერ გავრცელებულ ნარატივებსა და ანტიევროპულ გზავნილებზე, რომლებიც დემოკრატიული განვითარების პროცესს აზიანებს.
ევროპულ ინსტიტუტებს, კვლევით ცენტრებსა და ადგილობრივ სამოქალაქო საზოგადოებას შორის თანამშრომლობისა და კავშირების გაძლიერება — ისეთი ქსელების შექმნა, რომლებიც ექსპერტულ ცოდნას კონკრეტულ და პრაქტიკაში გამოსადეგ პოლიტიკურ რეკომენდაციებად გარდაქმნიან.
ხელმისაწვდომი და მაღალი ხარისხის ანალიტიკური მასალების — პოლიტიკის მოკლე დოკუმენტების, ანალიტიკური კომენტარებისა და ევროკავშირის საკითხების განმარტებითი მასალების — მომზადება და გამოქვეყნება, რათა მოქალაქეებს, ჟურნალისტებსა და გადაწყვეტილების მიმღებ პირებს სანდო ინფორმაციაზე დაყრდნობით ინფორმირებული გადაწყვეტილებების მიღებისთვის აუცილებელი ცოდნა ჰქონდეთ.
ევროკავშირის კანდიდატი და გაწევრიანების მსურველი ქვეყნებისათვის კვლევითი მხარდაჭერისა და საზოგადოებრივი ადვოკატირების უზრუნველყოფა ევროკავშირში გაწევრიანების პროცესის გზაზე — მთავრობებისა და საზოგადოებების დახმარება, უკეთ გაიაზრონ, რას მოითხოვს ევროპულ ინტეგრაციასთან დაკავშირებული პროცესი და რას გულისხმობს იგი.
ევროპარლამენტარებთან, ევროკავშირის წევრი სახელმწიფოების ოფიციალურ პირეთან და ბრიუსელში დაფუძნებულ ინსტიტუტებთან თანამშრომლობა, რათა გაძლიერდეს და შენარჩუნდეს ევროკავშირში გაწევრიანების მსურველი ქვეყნების დემოკრატიული ტრანსფორმაციის მხარდამჭერი პოლიტიკური ნება.
ჩვენ ვაქვეყნებთ მხოლოდ იმ ინფორმაციას, რომლის სისწორეც შეგვიძლია გადავამოწმოთ და რომლის სანდოობაზე პასუხისმგებლობას ვიღებთ. ჩვენი მეთოდოლოგია ღია და გამჭვირვალეა, ხოლო დაფინანსების წყაროებს სრულად ვასაჯაროებთ.
კანონის უზენაესობა, ხელისუფლების დანაწილება, თავისუფალი პრესა და ფუნდამენტური უფლებების დაცვა არ წარმოადგენს პოლიტიკურ არჩევანს — ისინი ჩვენი საქმიანობის ფუნდამენტური საფუძველია.
ჩვენი ანალიზი არ ექვემდებარება გარე გავლენას. არ ვიღებთ ისეთ დაფინანსებას, რომელიც კვლევის შედეგებზე, შეფასებებსა და დასკვნებზე გავლენის მოხდენას ითვალისწინებს. ჩვენი სარედაქციო დამოუკიდებლობა სრულად დაცულია დონორების, სახელმწიფო ინსტიტუტებისა და პოლიტიკური პარტიებისგან.
ჩვენ ვთანამშრომლობთ ევროპის მასშტაბით მოქმედ პარტნიორ ორგანიზაციებთან, ექსპერტებთან და ინსტიტუტებთან, რადგან მიგვაჩნია, რომ მდგრადი დემოკრატიული ცვლილებების მიღწევა ერთობლივ ძალისხმევას მოითხოვს.
ჩვენი საქმიანობის წარმატების უმთავრესი საზომი იმ საზოგადოებებში, რომლებსაც ვემსახურებით, საჯარო დებატების ხარისხი და დემოკრატიული ინსტიტუტების სიმტკიცეა.
ჩვენ არ ვერიდებით რთული და არასასიამოვნო სიმართლის თქმას, მათ შორის მაშინაც, როდესაც იგი გავლენიან მოწინააღმდეგეებს უპირისპირდება. ინტელექტუალური პრინციპულობა ჩვენი მისიის განუყოფელი ნაწილია.
