ევროკავშირის ცნობიერების ცენტრი დაესწრო კონფერენციას ვენაში

2026 წლის 16 ივნისს ევროკავშირის ცნობიერების ცენტრის თავმჯდომარე, დავით დონდუა, ვენაში გამართულ კონფერენციას „ომისშემდგომი ევროპა: როგორ აღვადგინოთ ჩვენი უსაფრთხოების არქიტექტურა?“ დაესწრო.

კონფერენციაზე ევროპელმა ექსპერტებმა, დიპლომატებმა და მკვლევრებმა განიხილეს რუსეთის აგრესიული ომის ფონზე ევროპის უსაფრთხოების მომავალი, ტრანსატლანტიკური ურთიერთობების პერსპექტივები და ძლიერი და მდგრადი ევროპის ჩამოყალიბების გზები.

ღონისძიება ორგანიზებული იყო ავსტრიის საერთაშორისო საქმეთა ინსტიტუტისა და კონრად ადენაუერის ფონდის ვენის ოფისის მიერ.