ევროკავშირის ცნობიერების ცენტრის კვლევითი მიმართულება – “უცხოური საინფორმაციო მანიპულირება და ჩარევა (FIMI)” – შეისწავლის, თუ როგორ ცდილობენ უცხოელი აქტორები საინფორმაციო გარემოს მანიპულირებას, საზოგადოებრივ აზრზე ზემოქმედებას და დემოკრატიულ პროცესებში ჩარევას. მტკიცებულებებზე დაფუძნებული ანალიზის საშუალებით, ჩვენ ვაკვირდებით და ვაანალიზებთ კოორდინირებულ საინფორმაციო აქტივობებს, რომლებიც მიზნად ისახავს საზოგადოებრივი დებატების დამახინჯებას, ინსტიტუტების მიმართ ნდობის შერყევას, საზოგადოებების პოლარიზაციას ან გეოპოლიტიკური ინტერესების წინ წაწევას.
ჩვენი კვლევითი მიმართულება მოიცავს სხვადასხვა აქტორების, მეთოდებისა და პლატფორმების ფართო სპექტრს. ეს გულისხმობს სახელმწიფოს მიერ მხარდაჭერილი გავლენის ოპერაციების, დეზინფორმაციული კამპანიების, ფარული ონლაინ ქსელების, მანიპულირებული მედიის, სტრატეგიული ნარატივებისა და უცხოური წყაროებიდან მომდინარე საინფორმაციო ჩარევის სხვა ფორმების შესწავლას. განსაკუთრებული ყურადღება ეთმობა სხვადასხვა აქტორის მიერ გამოყენებულ ტაქტიკებს, ტექნიკებსა და ნარატივებს, მათ შორის, რუსეთის და სხვა სახელმწიფო თუ არასახელმწიფო სუბიექტების საქმიანობით.
მიმდინარე ტენდენციების იდენტიფიცირების, კონკრეტული შემთხვევების ანალიზისა და კვლევის შედეგების ფართო საზოგადოებისთვის ხელმისაწვდომი ფორმით წარმოდგენის გზით, ეს პროგრამა მიზნად ისახავს ინფორმაციული მანიპულაციების მიმართ საზოგადოების მედეგობის გაძლიერებას და ევროპასა და მის ფარგლებს გარეთ არსებული საინფორმაციო უსაფრთხოების გარემოს უკეთ გააზრებას.
„უცხოური ინფორმაციული მანიპულაცია და ჩარევა" (Foreign Information Manipulation and Interference - FIMI), წარმოადგენს „უმეტესწილად არაკანონსაწინააღმდეგო ქცევის მოდელს, რომელიც საფრთხეს უქმნის ან პოტენციურად უარყოფით გავლენას ახდენს ღირებულებებზე, პროცედურებსა და პოლიტიკურ პროცესებზე".…
