პანევროპა

1923 წელს, ვენაში გამოქვეყნდა ავსტრიელი ფილოსოფოსის, რიხარდ ფონ კუდენოვი-კალერგის, წიგნი „პანევროპა“ (მთელი ევროპა). ეს იყო პოლიტიკურად, ეკონომიკურად და სამხედრო საქმეში ევროპის სახელმწიფოების გაერთიანების პროექტი. კუდენოვი-კალერგი ევროპის ერთობისა და ძლიერების საფუძვლად, ქრისტიანულ ფასეულობებს, თავისუფლებასა და სოციალურ სამართლიანობას მოიაზრებდა. ის ფიქრობდა, რომ იმ ხანად არსებობდა მხოლოდ გეოგრაფიული და კულტურული ევროპა; მთელ მსოფლიოში და ევროპაში შექმნილი პოლიტიკური გარემოებები კი მოითხოვდნენ, რომ შექმნილიყო პოლიტიკური ევროპა.